செய்தி விவரங்கள்

ஜீனியர் கிரிக்கெட் முதலாவது போட்டியில் பங்களாதேஸ் வெற்றி

ஜீனியர் கிரிக்கெட் முதலாவது போட்டியில் பங்களாதேஸ் வெற்றி


ஜீனியர் கிரிக்கெட் உலக கிண்ண சி பிரிவுக்கான முதலாவது போட்டியில் நமிபியா அணியை பங்களாதேஸ் அணி 87 ஓட்டங்களால் வெற்றிபெற்றுள்ளது.

19 வயதுக்கு உட்பட்டவர்களுக்கான ஜீனியர் உலக கிண்ண கிரிக்கெட் போட்டிகள் இன்று நியூசிலாந்தில் ஆரம்பமாகியுள்ளது. இப்போட்டிகளில் பங்கு பற்றவுள்ள 16 அணிகளும் 4 பிரிவுகளாக பிரிக்கப்பட்டுள்ளது. இந்நிலையில் இன்று லிங்கொயின் மைதானத்தில் இடம்பெற்ற சி பிரிவுக்கான போட்டியில் நமிபியா மற்றும் பங்களாதேஸ் அணிகள் அணிகள் மோதியுள்ளன. மேலும் போட்டி மழை காரணமாக 20 ஓவர்கள் கொண்ட போட்டிகளாக மட்டுப்படுத்தப்பட்டுள்ளது.

முதலில் களமிறங்கிய பங்களாதேஸ் அணி 20  ஓவர்களில் 4 விக்கெட்டுக்களை இழந்து 190 ஓட்டங்களை பெற்றுள்ளது. துடுப்பாட்டத்தில் பங்களாதேஸ் அணி சார்பில் சகிப் ஹாசன் 48 பந்துகளில் 84 ஓட்டங்களை பெற்றுள்ளார்.

இதனைத்தொடர்ந்து களமிறங்கிய  நமிபியா அணி 20 ஓவர்களில் 6 விக்கெட்டுக்களை இழந்து 103 ஓட்டங்களை மாத்திரம் பெற்றுள்ளது. இப்போட்டியில் நமிபியா அணி சார்பில் எபின் வான்  52 பந்துகளில் 55 ஓட்டங்களை கூடுதலாக பெற்றுள்ளார். இதனால் போட்டியில் பங்களாதேஸ் அணி 87 ஓட்டங்களால் வெற்றிபெற்றுள்ளது. மேலும் ஆட்ட நாயகனாக பங்களாதேஸ் அணியின் சகிப் ஹாசன் தெரிவுசெய்யப்பட்டுள்ளார்.

சமீபத்திய செய்திகள்
பிரபலமாகும் செய்திகள்
சமீபத்திய காணொளிகள்
மேலும் காணொளி செய்திகளுக்கு